«Бока Хуниорс» клубида спорт директори лавозими янгиланди

Аргентинанинг «Бока Хуниорс» клуби спорт директори сифатида Марсело Делгадо тайинланганини маълум қилди. У жамоа президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

Клуб таркибни тезкор кучайтиришга муҳтож, шу боис янги раҳбарият трансфер ва жамоани мустаҳкамлаш масалаларига жиддий киришиши кутилмоқда.

Делгадо футболчи сифатида ҳам катта тажрибага эга: у 1995–2002 йилларда Аргентина терма жамоасида 18 ўйин ўтказган ва 1998 йилги жаҳон чемпионатида ҳам қатнашган.

Шунингдек, 2003 йилда у Либертадорес кубогининг энг яхши тўпурари бўлган — бу кўрсаткични Бразилиянинг «Сантос» клуби ҳужумчиси Рикардо Оливейра билан бўлишиб олган.