Гарри Кейн «Бавария»нинг иккинчи ўриндан узоқлигини таъкидлади

Мюнхеннинг «Бавария» клуби ҳужумчиси Гарри Кейн жамоани мавсумнинг ҳал қилувчи палласи кутаётганини айтиб, яқин ҳафталардаги вазифалар ҳақида фикр билдирди. Мюнхенликлар айни пайтда учта турнирда кураш олиб бормоқда. Бу ҳақда euro-football.ru хабар беради.

Кейннинг таъкидлашича, Бундеслигада иккинчи ўриндаги рақибдан анча олдинда бўлишса-да, бу устунлик барқарор эмас. «Ҳал қилувчи босқичга киряпмиз. Иккинчи ўриндан яхши фарқ бор, лекин ўтган ҳафтада кўрганимиздек, у жуда тез қисқариб кетиши мумкин», — деди у клубнинг расмий сайтига.

Ҳужумчи мавсум бошидан жамоа феврал–март ойларига таркибдаги жиддий жароҳатларсиз ва юқори ўринларда кириб келишни мақсад қилганини эслатди. «Ҳозир ҳам турнир жадвалида пешқадаммиз, Германия Кубогида курашяпмиз ва Чемпионлар лигасида чорак финалга чиқдик. Бу биз учун ижобий ҳолат. Энди мавсум аслида бошланяпти: меҳнатни давом эттиришимиз ва бизни ким қувиб етиши мумкинлигини кўришимиз керак», — деди Кейн.

Ҳозирда «Бавария» ҳисобида 54 очко бор. Дортмунднинг «Боруссия»си 48 очко жамғарган. Кейн эса Бундеслиганинг энг яхши тўпурарлари пойгасида 24 гол билан етакчилик қилмоқда.