Слуцкий бошқарувидаги «Шанхай Шэньхуа» яна мағлуб бўлди
Леонид Слуцкий бошқараётган «Шанхай Шэньхуа» Осиё Чемпионлар лигаси умумий босқичининг 6-турида сафарда «Хиросима»га 0:1 ҳисобида имкониятни бой берди ва яна очкосиз қолди. Бу ҳақда euro-football.ru хабар беради.
Учрашув тақдирини 78-дақиқада японлар ҳал қилди: ҳимоячи Хаято Араки аниқ зарба билан гол муаллифига айланди. Бу натижа Хитой клуби учун турнирдаги кетма-кет учинчи мағлубият бўлди.
Олти турдан сўнг «Шанхай Шэньхуа» 4 очко билан жадвалда 11-ўринда бормоқда. 11 очкога эга «Хиросима» эса учинчи поғонани эгаллаб турибди.