The Athletic рейтингида Месси тарихдаги энг зўр футболчи деб топилди

Ижтимоий тармоқларда The Athletic тузган тарихдаги 100 нафар энг кучли футболчи рўйхати фаол муҳокамага сабаб бўлмоқда. Бу ҳақда euro-football.ru хабар беради.

Рейтингнинг илк ўнталиги қуйидагича: Лионел Месси, Диего Марадона, Пеле, Йохан Кройф, Криштиану Роналду, Алфредо ди Стефано, Франс Беккенбауэр, Зинедин Зидан, Ференц Пушкаш ва Мишел Платини.

Бундай рўйхатларни мутлақо холис тузиш қийинлиги таъкидланади. Reddit’даги футбол ишқибозлари орасида эса қизғин баҳслар авж олди: айримлар уч карра жаҳон чемпиони бўлган Пеле нега фақат учинчи ўринда қолганидан норози.

Шунингдек, дарвозабонлар ичида афсонага айланган Лев Яшин ушбу рейтингда 18-поғонадан жой олди.