Наумов Моуриньо учун Саудия Арабистонини маъқул кўрди

«Локомотив»нинг собиқ президенти Николай Наумов «Бенфика» бош мураббийи Жозе Моуриньо фаолиятини давом эттириши мумкин бўлган чемпионат ҳақида фикр билдирди. У бу борадаги мулоҳазаларини «Евро-Футбол.Ru» нашрига берган интервьюсида айтиб ўтди. Бу ҳақда euro-football.ru хабар беради.

Наумовнинг таъкидлашича, Моуриньонинг энг кучли даври ортда қолган бўлиши мумкин. Эксперт фикрича, португалиялик мутахассисга бироз танаффус керак, чунки у замонавий футбол тенденцияларидан ортда қолган: авваллари сирли ва кутилмаган қарорлари билан ажралиб турган мураббий энди одатийроқ кўринмоқда.

Наумов Моуриньо учун энг мос йўналиш сифатида Саудия Арабистонини тилга олди. У ерда маошлар юқори, шов-шувларни ёқтиришади ва тажрибали, ёши катта юлдуз футболчилар билан ишлаш имконияти борлигини айтди.

Шу билан бирга, Моуриньо бошчилигидаги «Бенфика» Чемпионлар лигаси 1/16 финалида Мадриднинг «Реал»ига қарши майдонга тушади. Дастлабки учрашув 17-февраль куни Португалияда бўлиб ўтади.