Непомнящий Сафоновни ёш футболчиларга ўрнак деди
Россиялик мураббий Валерий Непомнящий ПСЖ дарвозабони Матвей Сафоновни ёш футболчилар учун намуна сифатида кўрсатди. Бу ҳақда euro-football.ru хабар беради.
Мутахассиснинг таъкидлашича, Сафонов Париж клубида асосий посбон даражасига чиққани қувонарли ҳолат. Непомнящий унинг узоқ вақт ўйин амалиётисиз қолганига қарамай таслим бўлмагани ва майдондаги ишончли ҳаракати билан ҳаммасини исботлаганини айтди. Бу фикрларни «RB Sport» келтирди.
26 ёшли дарвозабон жорий мавсумда Лига 1 доирасида тўрт учрашувда майдонга тушиб, учта гол ўтказиб юборди. Шунингдек, икки ўйинда дарвозасини дахлсиз сақлаб қолди. Чемпионлар лигасида эса Сафонов икки баҳсда иштирок этиб, бир гол ўтказди.
Сафоновнинг француз гранди билан тузган шартномаси 2029 йил ўрталаригача амал қилади.