«Интер» Мхитарян билан шартномани узайтиришга тайёр
«Интер» таркибидаги тажрибали ярим ҳимоячи Генрих Мхитарянни жамоада олиб қолиш ниятида. Бу ҳақда euro-football.ru хабар беради.
Tuttosport хабарига кўра, Милан клуби арманистонлик футболчига янги қисқа муддатли келишув таклиф қилиш вариантини кўриб чиқмоқда. Мазкур битим 2027 йил 30 июнгача мўлжалланиши мумкин. Ҳозирги шартнома эса 37 ёшли хавбек билан 2026 йил 30 июнгача амал қилади.
Мхитарян «Интер» сафига 2022 йилда «Рома»дан эркин агент сифатида келиб қўшилган. Жорий мавсумда у барча мусобақаларда 24 ўйинда майдонга тушиб, 1 та гол урди ва 1 та голли узатма берди. Transfermarkt портали футболчининг бозор қийматини 3,5 миллион еврога баҳоламоқда.