«Ювентус» Калулюни АПЛ грандларига беришни хоҳламаяпти
Туринлик «Ювентус» марказий ҳимоячи Пьер Калулю билан хайрлашмоқчи эмас. 25 ёшли футболчига Англия Премьер-лигасининг номи ошкор этилмаган етакчи клуби қизиқиш билдиргани айтилаётгани, дея хабар беради журналист Николо Скира. Бу ҳақда euro-football.ru хабар беради.
«Қари синьора» раҳбариятининг позицияси аниқ: француз ҳимоячисини сотиш режалаштирилмаяпти. Аксинча, клуб Калулюга маоши оширилган янги битим таклиф қилиб, шартномани 2030 йилгача узайтиришни кўзламоқда.
Пьер Калулю «Ювентус»га 2024 йил ёзида «Милан»дан ўтганди. Ўтган ой ОАВ уни ҳимоянинг қанотида ҳам ўйнай олиши фонида «Манчестер Юнайтед» варианти билан боғлаган, бироқ музокаралар аниқ босқичга чиқмаганди.