Симеоне «Барселона» жароҳатлари ҳақида ўйламаётганини айтди
Мадриднинг «Атлетико» жамоаси бош мураббийи Диего Симеоне Испания Кубоги ярим финали илк учрашуви олдидан «Барселона»даги йўқотишлар мавзусига муносабат билдирди. Бу ҳақда euro-football.ru хабар беради.
«Матрасчилар» учун уй учрашуви бугун бўлиб ўтади. Ўйин 01:00 да (Тошкент вақти билан) старт олади.
«Барсанинг жароҳат олган футболчилари? Ростини айтсам, бу ҳақда ўйламайман. Мен ўз жамоамиз ҳақида ўйлаяпман — бизга Барриос етишмаяпти. Бундан ташқари, айрим футболчилар сўнгги пайтларда энг яхши ўйинини кўрсата олмаяпти. Биз ўзимизга ва бўлажак ўйин учун режамизга эътибор қаратишимиз керак», — деди Симеоне матбуот анжуманида.
Жавоб учрашуви 3 март куни каталонияликлар майдонида ўтказилади.