Роналду спорт залида қизи билан бирга машқ қилди

Жоржина Родригес ижтимоий тармоқларда янги сурат билан бўлишди. Унда юлдуз ҳужумчи Криштиану Роналду спорт залида гантеллар билан машқ қилаётгани акс этган. Бу ҳақда euro-football.ru хабар беради.

41 ёшли футболчи ёнида унинг қизларидан бири ҳам бор: у ҳам гантел ушлаб турган, бироқ кичикроқ ва пушти рангдагиси. Жоржина суратга “Dada” деб изоҳ қолдирди.

Аввалроқ Родригес Роналдуга туғилган куни муносабати билан табрик ҳам эълон қилганди. Қизиқ томони, ушбу пост футболчи 41 ёшга тўлганидан кейинги куни жойланган.

Сўнгги вақтларда Роналду “Ал-Наср”нинг бир нечта учрашувини ўтказиб юборди. Матбуотда португалиялик футболчи клуб бошқарувидан норози бўлгани сабаб ўйинларни бойкот қилаётгани ҳақида хабарлар тарқалган.