Буффон Пио Эспозитони Италия футболининг янги умиди деб билдирди

Туриннинг “Ювентус” клуби ва Италия терма жамоасининг собиқ дарвозабони Жанлуижи Буффон ҳозирги пайтда мамлакатдаги энг истиқболли футболчи кимлигини айтди. Унинг фикрича, бу ном миланлик “Интер” ҳужумчиси Пио Эспозитога лойиқ. Бу ҳақда euro-football.ru хабар беради.

Буффон ёш форвардни шахсан кузатганини ва у кучли таассурот қолдирганини таъкидлади. “У камтар ва профессионал, мотивацияга тўла, майдонда эса энтузиазм таратади. Мен уни жаҳон чемпионатига Италия терма жамоаси таркибига ҳеч иккиланмай олган бўлардим”, — дея Буффоннинг сўзларини calcionapoli1926.it келтиради.

Эслатиб ўтамиз, айни пайтда “Интер” Италия чемпионати турнир жадвалида пешқадам бўлиб турибди.