Роналду қизи билан спорт залида бирга шуғулланди

Криштиану Роналдунинг жуфти Жоржина Родригес ижтимоий тармоқларда навбатдаги кадрларни улашди. Суратда юлдуз ҳужумчи спорт залида гантел кўтараётгани акс этган. Бу ҳақда euro-football.ru хабар беради.

41 ёшли футболчи ёнида унинг қизларидан бири ҳам бор: у ҳам қўлида гантел ушлаб турибди, фақат кичикроқ ва пушти рангдагиси. Жоржина эса суратга қисқа изоҳ қолдирди: “Дада”.

Аввалроқ Родригес Роналдуни туғилган куни билан табриклаган, бироқ пост футболчининг 41 ёшга тўлган кунидан кейинги куни эълон қилингани ҳам мухлислар эътиборидан четда қолмади.

Шу орада Роналду “Ал-Наср”нинг сўнгги бир нечта ўйинларини ўтказиб юборди. ОАВда португалиялик футболчи клуб бошқарувидан норози бўлгани учун учрашувларни бойкот қилаётгани ҳақида хабарлар тарқалган.