Томас Тухел Англия терма жамоасини бошқариш орзуси ҳақида гапирди
Англия терма жамоаси бош мураббийи Томас Тухел шартномасини узайтирди. Германиялик мутахассис билан тузилган янги келишув 2028 йилгача амал қилади. Бу ҳақда euro-football.ru хабар беради.
Тухелнинг айтишича, у Англия термасини бошқариш истагини анчадан бери ичида сақлаб келган. 2021 йилда «Челси»ни бошқарган пайтида Европа чемпионати ўйинлари фонида «Уэмбли»даги муҳит уни алоҳида ҳайажонга солган: стадиондаги энергия ва бутун мамлакатнинг жўшқини мураббийда катта таассурот қолдирган.
«Ўшанда вакилимга қўнғироқ қилиб: “Вау, бу менинг орзум! «Челси» билан барча совринларни ютаман, кейин эса Англия терма жамоасида ишлашни хоҳлайман”, дегандим», — дея мураббий сўзларини келтиради “уч шер” матбуот хизмати.
Эслатиб ўтамиз, Томас Тухел «Челси»ни 2021 йил январида 2022 йил сентябригача бошқарган. Англия терма жамоасидаги лавозимга эса у 2025 йил бошида тайинланган.