«Бока Хуниорс» янги спорт директорини расман эълон қилди

Аргентина гранди «Бока Хуниорс» клубида спорт директори лавозимига Марсело Делгадо тайинланди. Клуб раҳбарияти унинг президент Хуан Рикелме билан яқин ҳамкорликда ишлашини таъкидлади. Бу ҳақда euro-football.ru хабар беради.

Жамоа таркибини тез фурсатда кучайтириш зарурати бор, шу боис Делгадо ва Рикелме тандеми трансферлар ва селекция масалаларини жадаллаштиришга киришади.

Марсело Делгадо футболчилик фаолиятида ҳам ном қозонган: у Аргентина терма жамоасида 1995–2002 йиллар оралиғида 18 та учрашув ўтказган ва 1998 йилги жаҳон чемпионатида ҳам майдонга тушган.

Шунингдек, 2003 йилда Делгадо Либертадорес Кубогининг энг яхши тўпурари бўлган — у бу кўрсаткичда «Сантос» ҳужумчиси, бразилиялик Рикардо Оливейра билан бир хил натижа қайд этган.