Сафонов «ПСЖ» сафида илк бор уч гол ўтказиб юборди

Россия терма жамоаси ва «ПСЖ» дарвозабони Матвей Сафонов «Ренн»га қарши учрашувда дарвозасини дахлсиз сақлаб қола олмади. Франция чемпионатининг 22-турида парижликлар 1:3 ҳисобида мағлуб бўлди. Бу ҳақда euro-football.ru хабар беради.

34-дақиқада Мусса Тамари Вилиан Пачо соясида қолган вазиятда устун ёнидан аниқ зарба йўллади. 69-дақиқада эса Сафонов Эстебан Аеполининг бош билан йўллаган зарбасига улгурмай қолди. 81-дақиқада Матвей Сафонов ва унинг жамоадоши Илья Забарный тўпни қайтариб қололмади, якунди у Брел Эмболога қулай тушиб, голга айланди.

Бу ўйин Сафонов учун «ПСЖ»даги нохуш статистикага айланди: у парижликлар таркибида аввал ҳеч қачон бир учрашувда шунча — уч гол ўтказиб юбормаганди. Шу пайтгача унинг дарвозасига максимум икки бор тўп киритилган эди.