Куня соч қирдирмайдиган мухлис ҳақидаги муносабатни айтди

"Манчестер Юнайтед" ҳужумчиси Матеус Куня жамоа кетма-кет беш ғалабага эришмагунча сочини қирдирмасликка қарор қилган клуб мухлиси ҳақида фикр билдирди. Бу ҳақда euro-football.ru хабар беради.

"Қизил иблислар" қарийб 500 кундан бери бешта ўйинни кетма-кет юта олмаяпти. Шу боис Френк Айлетт исмли мухлис шу вақт давомида сочини ўстириб келмоқда.

"Одамлар кўпроқ унинг соч турмагини муҳокама қилади, бизнинг ғалабаларимизни эмас. Мен учун у қачон соч олдириши умуман муҳим эмас, менга фақат 15 очко керак. Ҳа, баъзан бу мавзу ҳақида гаплашамиз, лекин у бизни кучли мотивация қилмайди. Биз буни зўр нарса деб ҳам ҳисобламаймиз. Энг кўп истайдиган ҳам ўзимиз — беш ёки ундан кўп ўйинда кетма-кет ғалаба қозониш. Аммо бу вазият, назаримда, ортиқча эътибор тортаяпти", — деди Куня RomarioTVга берган интервьюсида.

23-февраль куни Майкл Каррик жамоаси сафардa "Эвертон"га қарши майдонга тушади.