Мануэл Нойер ўнг болдир мушагидан жароҳат олди

Мюнхеннинг “Бавария” клуби дарвозабони Мануэл Нойер ўнг оёғининг болдир мушагидан жароҳат олди. Бу ҳақда журналист Флориан Плеттенберг хабар берди. Бу ҳақда euro-football.ru хабар беради.

Манбага кўра, 39 ёшли посбон яқин кунларда жамоа машғулотларида қатнашолмайди. Нойер тиббий кўрикдан ўтиши керак, шу боис унинг шанба куни “Айнтраxt”га қарши ўйинда майдонга тушиши ҳозирча эҳтимолдан йироқ.

Бу мавсум Нойер барча турнирларда 28 учрашувда майдонга тушиб, 27 та гол ўтказиб юборди ва 9 та ўйинда дарвозасини дахлсиз сақлаб қолди.

Германия чемпионатининг 23-тури доирасидаги “Бавария” — “Айнтраxt” учрашуви 21 февраль куни бўлиб ўтади. Ўйин 19:30 да (Тошкент вақти билан) бошланади.