«Реал» 24 турдан сўнг 60 очко жамғариб, рекордга яқинлашди
Мадриднинг «Реал» жамоаси «Реал Сосьедад» устидан 4:1 ҳисобида йирик ғалабага эришди ва Ла Лига турнир жадвалида яна пешқадамликни қайтариб олди. Бу ҳақда euro-football.ru хабар беради.
«Қироллик клуби» жорий чемпионатнинг 24 туридан кейин 60 очко тўплади. Бу натижа клуб тарихидаги учинчи энг яхши кўрсаткич бўлиб турибди. Ундан юқори натижа атиги икки марта қайд этилган: 2023/24 мавсумида Карло Анчелотти бошчилигида 61 очко ва 2011/12 мавсумида Жозе Моуриньо даврида 64 очко.
Эслатиб ўтамиз, январ ўрталаридан бери мадридликлар бош мураббийи лавозимини Альваро Арбелоа эгаллаб турибди. У ишдан бўшатилган Хаби Алонсонинг ўрнини эгаллаган.
«Реал» эртага «Барселона» «Жирона»ни мағлуб этса, биринчи ўринни бой бериши мумкин. Ҳозир «кўк-анорранглилар» ҳисобида 58 очко бор.