Жезуш Роналдуга дам берилди ва у навбатдаги ўйинни ўтказиб юбориши

«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлаб берди. Бу ҳақда euro-football.ru хабар беради.

Ар-Риёд жамоаси чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи яқин орада яна ўйинларга қайтиши кутилaётгани айтилaётган бўлса-да, бу сафар ҳам у қайдномадан жой олмайди.

«Тақвим жуда тиғиз. Шунинг учун Роналду ва асосий таркибдаги яна бир нечта футболчига дам бериш ҳақида қарор қилдик — олдинда «Ал-Фатеҳ»га қарши муҳим ўйин бор», — дея Жезушнинг сўзларини келтиради Al Nassr Zone.

Мураббий Роналдуга дам бериш «янгилик» эмаслигини ҳам таъкидлади: унинг айтишича, саудияликлар чемпионати доирасидаги учрашувлар Саудия Арабистонидан ташқарида ўтказилганда Роналду аввал ҳам бир неча бор майдонга тушмаган.

Саудия чемпионатидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.