Арбелоа «Бенфика» ўйини олдидан Трентни танлади
Мадриднинг «Реал» клубида ўнг қанот ҳимоячиси Трент Александр-Арнолд жароҳатдан кейин майдонга қайтиб, бош мураббий Алваро Арбелоани ўйини билан ишонтира олди. Бу ҳақда euro-football.ru хабар беради.
Англиялик футболчи жароҳатини даволаб, декабр ойидан бери илк бор Ла Лигадаги «Реал Сосьедад»га қарши учрашувда асосий таркибда майдонга тушди. 27 ёшли ҳимоячи ассист қайд этди ва фаол, ёрқин ўйин кўрсатди. Marca хабарига кўра, Трент Чемпионлар лигасида «Бенфика»га қарши бўладиган баҳсда ҳам старт таркибида майдонга чиқади — «қироллик клуби» устози унинг тайёргарлигига шубҳа қилмаяпти.
«Бенфика» – «Реал» қарама-қаршилигининг илк учрашуви сешанба куни Лиссабонда бўлиб ўтади. Ўйин 01:00 да (Тошкент вақти билан) бошланади.