Елагин Роналду бойкотдан кейин майдонга қайтди ва гол урди

Саудия Арабистони чемпионати 22-тури доирасидаги сафар учрашувида «Ал-Наср» «Ал-Фатеҳ»ни 2:0 ҳисобида мағлуб этди. Голлардан бирига 41 ёшли ҳужумчи Криштиану Роналду муаллифлик қилди — у бойкотдан сўнг яна майдонга қайтди. Бу ҳақда euro-football.ru хабар беради.

Учрашувдан кейин футбол шарҳловчиси Александр Елагин португалиялик юлдузнинг ўйинига юқори баҳо берди.

«Буюк футболчи бойкотдан кейин қайтди ва гол урди! Фақат гол уриш билан чекланмай, ҳимояда ҳам астойдил ишлади — бир неча бор жарима майдонида тўпни узоқлаштирди. Гўё бола каби югуради! Ҳам қойил қолдим, ҳам ҳавас қилдим», — деб ёзди Елагин ижтимоий тармоқларда.

Жорий мавсумда Роналду Саудия Арабистони чемпионатида 19 ўйинда 18 та гол урди.