Елагин Роналдунинг бойкотдан кейинги қайтишини олқишлади

Саудия Арабистони чемпионатининг 22-турида сафарда майдонга тушган «Ал-Наср» «Ал-Фатеҳ» устидан 2:0 ҳисобида ғалаба қозонди. Учрашувдаги голлардан бирига 41 ёшли марказий ҳужумчи Криштиану Роналду муаллифлик қилди — у бойкотдан сўнг яна майдонга қайтди. Бу ҳақда euro-football.ru хабар беради.

Баҳсдан кейин футбол шарҳловчиси Александр Елагин португалиялик юлдузнинг ўйинини алоҳида таъкидлади.

«Буюк футболчи бойкотдан кейин қайтди ва гол урди! Фақат гол билан чекланмай, ҳимояда ҳам тинмай ишлади, бир неча бор жарима майдонидан тўпни узоқлаштирди. Гўёки ёш боладек югуряпти! Ҳам қойил қолдим, ҳам ҳавас қилдим», — деб ёзди Елагин ижтимоий тармоқларда.

Жорий мавсумда Роналду Саудия Арабистони чемпионатида 19 та ўйинда 18 та гол урди.