Аргентина лигасида Ди Мария симуляция айбловлари остида қолди
Анхель Ди Мария ватани Аргентинага қайтгач, дастлаб ижобий натижалар кўрсатди, бироқ кейин вазият кескин ўзгарди. Бу сафар муаммо унинг ўйинидан кўра кўпроқ рақиблар ва мухлислар норозилиги билан боғлиқ: улар Ди Мария майдонда тез-тез симуляция қилаётганини таъкидламоқда. Бу ҳақда euro-football.ru хабар беради.
Аргентина чемпионати муҳокама қилинадиган форумларда собиқ "Манчестер Юнайтед" ва "Реал" футболчиси, ҳозир "Росарио Сентрал" сафида тўп сураётган Ди Марияга нисбатан кескин фикрлар кўпайган. "Нега уни ҳийлалари учун ҳеч қачон огоҳлантиришмайди?", "У юлдуз, лекин майдондаги қилқлари жонига тегди", "Бундай даражадаги футболчи пенальти сўраб юриши ачинарли" каби изоҳлар унинг атрофидаги баҳсларни янада авж олдирди.