Булыкин Россия терма жамоаси ҳар қандай рақиб билан ўйнаши керак

Москванинг “Динамо” клубида тўп сурган Дмитрий Булыкин Россия терма жамоасининг яқинлашиб келаётган ўртоқлик учрашувлари ҳақида фикр билдирди. Бу ҳақда euro-football.ru хабар беради.

Мутахассиснинг айтишича, рақиб ким бўлишидан қатъи назар, терма жамоа мунтазам ўйин амалиётига эга бўлиши зарур. Унинг таъкидлашича, энг муҳими — йиғинлар ва учрашувлар цикли узилмаслиги, футболчилар майдонга тушиб ўзини кўрсатиши ҳамда мотивацияни сақлаб қолишидир.

Аввалроқ март ойи охирида Валерий Карпин бошчилигидаги Россия терма жамоаси Мали ва Гватемала терма жамоаларига қарши назорат баҳсларини ўтказиши маълум қилинганди.

Эслатиб ўтамиз, Россия терма жамоаси FIFA ва UEFAнинг қўшма қарори билан халқаро мусобақалардан четлаштирилган, таъқиқ 2022 йил февралидан буён амалда.