Икарди уч гол уриб «Галатасарай» тарихига кирди

Туркия чемпионатининг 22-тур учрашувида «Галатасарай» «Эюпспор»ни йирик ҳисобда мағлуб этди — 5:1. Баҳс қаҳрамонига айланган Мауро Икарди бу ўйинда хет-трик қайд этиб, жамоасига муҳим ғалабани тақдим қилди. Бу ҳақда euro-football.ru хабар беради.

Аргентиналик ҳужумчи шу тариқа клуб тарихида энг кўп гол урган легионер номини қўлга киритди. Икарди «Галатасарай» сафида гол уриш бўйича Георге Ҳажини ортда қолдирди: руминиялик футболчи 75 гол билан етакчилик қилган бўлса, Мауро ҳисобини 76 тага етказди.

Умумий тўпурарлар рўйхатида эса Икарди ҳозирча еттинчи ўринда бормоқда. Эслатиб ўтамиз, у «Галатасарай»да 2023 йилдан буён ўйнаб келмоқда, аввалроқ эса ПСЖ шарафини ҳимоя қилган.