«Бока Хуниорс»да спорт директори лавозими янгиланди

Аргентина гранди «Бока Хуниорс» клубида янги спорт директори тайинланди. Бу лавозимга Марсело Делгадо келгани расман эълон қилинди. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.

Жамоа таркибини тезкор кучайтириш зарурати пайдо бўлган бир пайтда, Делгадо ва Рикелме трансфер йўналишида муҳим қарорлар устида ишлаши кутилмоқда.

Делгадо футболчилик фаолиятида ҳам танилган: у 1995–2002 йилларда Аргентина терма жамоасида 18 учрашув ўтказиб, 1998 йилги жаҳон чемпионатида ҳам иштирок этган. 2003 йилда эса у «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари бўлган.