Жезуш Роналдуга навбатдаги учрашувда дам беради
"Ал-Наср" бош мураббийи Жорже Жезуш Криштиану Роналду нега яқинлашиб келаётган ўйинда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг"га қарши баҳс олиб боради. Португалиялик юлдуз ҳужумчи тез орада майдонга қайтиши кутилаётгани айтилаётган бўлса-да, бу сафарги учрашувда ҳам у жамоага ёрдам бера олмайди.
Жезушнинг таъкидлашича, тиққиз тақвим сабаб Роналду ва асосий таркибдаги яна бир қатор футболчиларга дам бериш режалаштирилган. Мураббий бунинг ортида Саудия чемпионатидаги муҳим беллашув — "Ал-Фатех"га қарши ўйин турганини қайд этди.
"Al Nassr Zone" келтирган иқтибосда Жезуш Роналду Саудия Арабистонидан ташқарида ўтадиган баҳсларда илк бор эмас, аввал ҳам бир неча бор иштирок этмаганини эслатиб ўтди.
Саудия Про-лигасида "Ал-Фатех" — "Ал-Наср" учрашуви шанба, 14-февраль куни бўлиб ўтади.