Роналду Европанинг топ клубларига таклиф қилиниши мумкин
Криштиану Роналду «Ал-Наср» билан муносабатларни тиклаб, бойкотдан кейин яна майдонга қайтди. Шунга қарамай, ёзда юлдузли португалиялик клубини ўзгартириши эҳтимоли яна кун тартибига чиқди. Бу ҳақда euro-football.ru хабар беради.
The Touchline хабарига кўра, агент Жорже Мендеш ёзги трансфер ойнаси олдидан Европанинг бир қатор топ клубларига қўнғироқ қилиб, 41 ёшли Роналдуни таркибга қўшишни таклиф қилмоқда.
Аввалроқ ОАВда Роналду «Манчестер Юнайтед»дан кетганидан кейин келишмовчиликлар сабаб Мендеш билан ҳамкорликни тўхтатгани ҳақида ёзилганди. Бироқ Transfermarkt маълумотларига кўра, Криштиану ҳануз Мендеш агентлиги мижозлари рўйхатида турибди.
Ҳозирги шартнома Роналдуни «Ал-Наср» билан 2027 йил ўрталаригача боғлаб турибди.