«Бока Хуниорс» клубида янги спорт директори тайинланди

Аргентинанинг «Бока Хуниорс» клуби спорт директори лавозимига Марсело Делгадо келганини маълум қилди. У клуб президенти, «Барселона»нинг собиқ футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.

Клуб таркибини тез фурсатда кучайтириш заруратини сезмоқда ва энди Рикелме ҳамда Делгадо дуэти айнан шу йўналишда фаол ишлаши кутилмоқда.

Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоаси сафида 18 учрашувда майдонга тушган ва 1998 йилги Жаҳон чемпионатида ҳам иштирок этган.

Шунингдек, 2003 йилда у «Сантос» ҳужумчиси Рикардо Оливейра билан бирга Либертадорес кубогининг энг сермаҳсул тўпурари бўлган.