Дел Пьеродан Бастонининг узрига ижобий баҳо берилди

Туриннинг “Ювентус” клуби собиқ футболчиси Алессандро дел Пьеро Миланнинг “Интер” жамоаси ҳимоячиси Алессандро Бастонининг узр сўраши ҳақида фикр билдирди. Бастони жамоалар ўртасидаги сўнгги учрашувда “кекса синьора” футболчиси Пьер Калюлю майдондaн четлатилганини кескин тарзда нишонлагани билан танқидга учраганди. Бу ҳақда euro-football.ru хабар беради.

Дел Пьеронинг айтишича, Бастонининг бу қадами тўғри қарор бўлган: у воқеадан кейин ҳаммасини ўйлаб, хатосини тан олган. “Бу унинг шаънига. Ҳеч ким мукаммал бўла олмайди, аммо хатолар орқали инсон яхшироқ бўлиб боради”, — дея дел Пьеронинг сўзларини TuttoJuve келтирди.

Эслатиб ўтамиз, “Интер” — “Ювентус” учрашуви ўтган ҳафта охирида бўлиб ўтди. Сафарда ўйнаган “Ювентус” 2:3 ҳисобида мағлуб бўлди.