Жезуш Роналдуга дам берди, у навбатдаги ўйинни ўтказиб юборади

«Ал-Наср» бош мураббийи Жорже Жезуш Криштиану Роналду нима сабабдан яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.

Ар-Риёд клуби чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик ҳужумчи тез орада майдонга қайтиши кутилаётгани айтилаётган бўлса-да, бу сафар ҳам у қайдномадан жой олмайди.

Жезушнинг сўзларига кўра, жамоа зич тақвимни инобатга олиб, Роналду ва асосий таркибдаги бир қатор футболчиларга дам беришга қарор қилган. Мураббий олдинда «Ал-Фатеҳ»га қарши муҳим учрашув борлигини таъкидлади.

Шунингдек, у Роналдуга дам берилиши янгилик эмаслигини қўшиб ўтди: юлдуз футболчи Саудия Арабистонидан ташқарида ўтадиган баҳсларда биринчи марта иштирок этмаётгани йўқ. Жезушнинг фикрларини Al Nassr Zone келтирди.

Саудия чемпионатидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.