Сёмин Россия – Мали ўйинида муҳим шартни айтди
Март ойида Россия терма жамоаси Мали билан ўртоқлик учрашуви ўтказиши мумкин. Мазкур эҳтимолий баҳс ҳақида тажрибали мураббий Юрий Сёмин фикр билдирди. Бу ҳақда euro-football.ru хабар беради.
Сёмининг таъкидлашича, бундай ўйин бўйича келишувларда асосий масала — рақиб терма жамоа энг кучли таркибда келишини кафолатлаш. У Мали терма жамоасининг етакчи футболчилари Европа чемпионатларида тўп суриши ва юқори савиядаги ижрочилар эканини эслатди.
Мураббий Мали тўлиқ таркибда майдонга тушса, бу Россия терма жамоасининг айни пайтдаги ҳолатини реал баҳолаш имконини беришини қўшимча қилди.
Шу билан бирга, Россия футбол иттифоқи яқин йиғин учун рақиблар рўйхатини ҳозирча расман эълон қилгани йўқ.
УЕФА ва ФИФА санкциялари сабаб Россия терма жамоаси ҳозирда фақат ўртоқлик учрашувларида майдонга тушиши мумкин.