Роналду мураббийдан уни муҳим ўйинларда асрашни сўради
"Ан-Наср" ҳужумчиси Криштиану Роналду жамоа сафида асосан энг муҳим учрашувларда майдонга тушишга тайёр. Бу ҳақда euro-football.ru хабар беради.
365Scores Arabic хабарига кўра, 41 ёшли португалиялик футболчи бош мураббий Жорже Жезушдан ОФК Чемпионлар лигаси ўйинларида, турнирнинг ҳал қилувчи босқичлари бошлангунча, уни имкон қадар камроқ ишлатишни сўраган. Роналду ортиқча юкламадан қочиб, асосий баҳсларга максимал тайёргарлик кўриш ва жаҳон чемпионатига оптимал формада етиб боришни истамоқда.
Жорий мавсумда Роналду "Ан-Наср" сафида 23 учрашувда 19 та гол урди. У Саудия Арабистони чемпионати тўпурарлари рўйхатида Айвен Тонидан кейин иккинчи ўринда бормоқда.