Марселда инқироз: клуб президенти Лонгория ҳам кетиши мумкин
Франсузнинг «Марсел» клуби мавсум ўртасида жиддий беқарорликни бошдан кечирмоқда. Бош мураббий Роберто де Дзербининг кетишидан кейин спорт директори Меҳди Бенатия ҳам лавозимини тарк этиш ҳақида ўйлагани айтилганди, бироқ у қандайдир йўл билан қолишга кўндирилганга ўхшайди. Бу ҳақда euro-football.ru хабар беради.
Энди эса клубнинг яна бир муҳим шахси — президент Пабло Лонгория ҳам кетиш эҳтимолини кўриб чиқмоқда. Хабарларга кўра, бунга «Марсел» эгаси, америкалик тадбиркор Френк Маккорт Лонгориянинг ваколатларини қисқартириб, унга асосан вакиллик вазифаларинигина қолдиришни режалаштиргани сабаб бўлган.
Эслатиб ўтамиз, ҳозирда «Марсел» Франция Лига 1 турнир жадвалида тўртинчи ўринда бормоқда.