Манчестер Юнайтед МакТоминей ва Бруну ўртасида танлов қилмоқда
«Наполи» ярим ҳимоячиси Скотт МакТоминей яна «Манчестер Юнайтед» сафига қайтиши мумкин. Бу ҳақда euro-football.ru хабар беради.
TopSkills Sports UK хабарига кўра, «қизил иблислар» ёзги трансфер ойнасида шотланд футболчисини қайта олиб келишни режалаштирмоқда. МакТоминейнинг ўзи ҳам «Олд Траффорд»га қайтишга қатъий бел боғлаган, бироқ у МЮдан ҳафтасига 350 минг фунт стерлинг маош сўрамоқда.
Шу билан бирга, ярим ҳимоячи Бруну Фернандеш ҳам янги шартнома бўйича ҳафтасига 400 минг фунт стерлинг олишни истамоқда. Энди «Манчестер Юнайтед» олдида муҳим қарор турибди: МакТоминейни қайтариш учун катта пул тўлаш ёки 2027 йилда шартномаси якунланадиган Фернандешни йўқотиш хавфи билан юзлашиш.