Слуцкий бошчилигидаги «Шанхай Шэньхуа» АЧЛда мағлуб бўлди
Осиё Чемпионлар лигасида етти турдан кейин плей-офф умиди сўнган «Шанхай Шэньхуа» 8-турда «Бурирам Юнайтед»га қарши ҳеч бўлмаса турнир билан муносиб хайрлашишга уриниб кўрди. Бироқ бу режаси ўхшамади. Бу ҳақда euro-football.ru хабар беради.
Таиланд клуби учрашувда 2:0 ҳисобида ғалаба қозонди. «Бурирам Юнайтед» дастлабки бўлимнинг ўзида икки бор рақиб дарвозасини ишғол қилди: 11-дақиқада Гуд Кертис, 22-дақиқада эса Супханат Муэанта гол урди. Орадан кўп ўтмай «Шанхай Шэньхуа» бир футболчисини йўқотиб, кам сонли бўлиб қолди ва ўйиндаги интрига деярли йўқолди.
Маълумот учун, Леонид Слуцкийнинг «Шанхай Шэньхуа» билан амалдаги шартномаси 2027 йил охиригача мўлжалланган.