Таранов Сафоновни ПСЖнинг биринчи рақами дейишга эрта
“Краснодар”нинг собиқ футболчиси Иван Таранов ПСЖ сафидаги россиялик дарвозабон Матвей Сафоновнинг ҳозирги ўйинлари ҳақида фикр билдирди. Бу ҳақда euro-football.ru хабар беради.
Тарановнинг айтишича, Сафонов ўзини ишончли кўрсатмоқда, бироқ уни жамоанинг қатъий “биринчи рақами” деб эълон қилишга ҳали эрта. Унинг фикрича, Матвей шу тарзда барқарор ўйнашда давом этса, олдинда яна кўп имкониятлар бор ва у янада ўсишда давом этади.
Эслатиб ўтамиз, Сафонов 2024 йил ёзида “Краснодар”дан Парижнинг топ-клубига кўчиб ўтганди.
Жорий мавсумда у ПСЖ сафида 9 та учрашувда майдонга тушди: дарвозасидан 10 та гол ўтказиб юборди ва 3 баҳсда дарвозасини дахлсиз сақлаб қолди.