Мостовой рақиблар кучайганини айтди, энди савдо марказлари эмас

Россия футболининг собиқ юлдузи Александр Мостовой март ойида Россия ва Мали терма жамоалари ўртасида ўртоқлик учрашуви ўтказилиши эҳтимоли ҳақида фикр билдирди. Бу ҳақда euro-football.ru хабар беради.

Россия футбол иттифоқи ҳали Мали билан ўйин борасида расмий баёнот бермаган. Бироқ Мали федерацияси вакиллари келишув мавжудлигини айтиб ўтган. Учрашув 27 март, жума куни Краснодарда бўлиб ўтиши кутилмоқда.

Мостовойга кўра, Россия термасининг рақиблари даражаси сезиларли ошган: аввал Нигерия, Перу ва Чили бўлган бўлса, энди Мали ҳам рўйхатда. У асосий хулосаларни шошилмасдан, аввало таркибда кимлар йиғинга келишини кўриш кераклигини таъкидлади. Шунингдек, у «энди савдо марказлари билан эмас, кучлироқ жамоалар билан ўйнаяпмиз», деган мазмунда гапирди.

Россия терма жамоаси сўнгги йиғинни ноябр ойида ўтказганди. Ўшанда Валерий Карпин шогирдлари Перу билан 1:1 ҳисобида дуранг ўйнаб, Чилига 0:2 ҳисобида ютқазган. Санкциялар сабаб россияликлар расмий халқаро мусобақаларда қатнашa олмаяпти.