«Бенфика» Вальверде юзасидан УЕФАга расмий шикоят берди

Португалиянинг «Бенфика» клуби раҳбарияти Мадриднинг «Реал» жамоаси ярим ҳимоячиси Федерико Вальверде бўйича УЕФАга расмий мурожаат юборди. Бу ҳақда A Bola нашри хабар берди. Бу ҳақда euro-football.ru хабар беради.

Шикоят Чемпионлар лигаси 1/8 финалига йўл олиш учун ўтган учрашувнинг 83-дақиқасидаги вазиятга тааллуқли. «Бенфика» вакилларига кўра, ҳакамлар Вальверденинг Самуэл Далга нисбатан тажовузкор ҳаракатини эътиборсиз қолдирган.

Лиссабон клуби УЕФА жавоб учрашувигача қарор чиқаришига умид билдирди. Иккинчи ўйин 24-февраль куни бўлиб ўтиши режалаштирилган.

Аввалроқ «Бенфика» футболчиси Жанлука Престианни ҳам УЕФА эътиборига тушганди: у Винисиус Жуниорга нисбатан эҳтимолий ирқчилик ҳолати бўйича бошланган текширув доирасида тилга олинган.