Компани ёшликдаги кумири ким бўлганини айтди
Мюнхеннинг «Бавария» клуби бош мураббийи Венсан Компани ёшлик пайтларида ўзига идеал сифатида «Милан»нинг собиқ ҳимоячиси ва Франция терма жамоаси афсонаси Марсел Десайийни кўрганини маълум қилди. Бу ҳақда euro-football.ru хабар беради.
Бельгиялик мутахассис Десайийни кучли ҳимоячи деб атаб, унинг Франция билан жаҳон чемпионлигини қўлга киритгани Компанига катта илҳом берганини таъкидлади.
Шунингдек, Компани майдонда унга энг қийин рақиб бўлган футболчи номини ҳам айтди: у Лионел Месси ёки Криштиану Роналдуни эмас, Роналдиньони ажратиб кўрсатди.
Бундеслиганинг 22-туридан сўнг Компани бошқарувидаги «Бавария» 57 очко билан турнир жадвалида пешқадам бўлиб турибди.
Мюнхенликлар Чемпионлар лигасида ҳам бевосита 1/8 финал босқичига йўл олди.