Олмо “Барселона” услубини ўзгартирмаслигини айтди

“Барселона” ярим ҳимоячиси Дани Олмо жамоанинг таваккалга асосланган ўйин услуби ҳақида фикр билдирди. Бу ҳақда euro-football.ru хабар беради.

Олмо таъкидлашича, каталонияликлар ўз фалсафасидан воз кечмоқчи эмас: улар айнан шу йўл билан тўртта совринни қўлга киритган. Шу билан бирга, футболчи айрим вазиятларда жамоага хотиржамлик етишмай қолаётганини, рақиблар эса буни тез-тез ўз фойдасига ишлатиб кетишини қайд этди. Унинг сўзларини Barca Universal келтирди.

Эслатиб ўтамиз, “Барселона” аввалроқ “Жирона”га қарши дербида 1:2 ҳисобида мағлуб бўлиб, Ла Лига жадвалидаги пешқадамликни бой берди. 26 турдан сўнг “кўк-анорранглилар” иккинчи ўринда бормоқда ва “Реал”дан икки очко ортда қолган.

Кейинги турда “Барселона” 22-февраль куни ўз майдонида “Леванте”ни қабул қилади.