МакТоминей Италия футболы АПЛдан анча фарқ қилишини айтди
Шотландиялик ярим ҳимоячи Скотт МакТоминей Италия чемпионати ва Англия Премьер-лигаси ўртасидаги фарқлар ҳақида фикр билдирди. Футболчи аввал “Манчестер Юнайтед” сафида ўйнаган, бироқ клуб уни таркибда қолдирмай, 2024 йилда А Серияга йўл олганди. Бу ҳақда euro-football.ru хабар беради.
МакТоминей таъкидлашича, Италиядаги ўйин услуби, айниқса, тактика борасида АПЛдан кескин ажралиб туради. У кўплаб жиҳатларга жуда тез мослашишга тўғри келганини, бироқ футболни тактик томондан ўрганишни ёқтиргани учун бу жараённи ижобий қабул қилаётганини айтди.
Эслатиб ўтамиз, шотландиялик футболчи ўтган йили “Наполи” билан Италия чемпиони бўлганди.