Эдди Хау Гордоннинг ҳужумчи сифатидаги ўйинини юқори баҳолади
«Ньюкасл» бош мураббийи Эдди Хау Энтони Гордоннинг марказий ҳужумчи позициясидаги ҳаракатлари ҳақида фикр билдирди. Бу ҳақда euro-football.ru хабар беради.
Хау Гордоннинг бу ролда керакли фазилатларга эгалигини таъкидлади: у доимий босим ўтказади, қачон ва қандай прессинг қилишни яхши ҳис қилади. Мураббийга кўра, жамоанинг айрим голлари Гордоннинг тўпни ютиб олиши ортидан юзага келган ва бу тасодиф эмас — футболчининг ўйинни ўқиш қобилияти бунга сабаб. Хау Гордоннинг ўйинидан жуда мамнун бўлганини айтди.
Эслатиб ўтамиз, Чемпионлар лигаси плей-оффида «Қорабоғ»га қарши учрашувда (6:1) Гордон айнан ҳужумчи сифатида майдонга тушиб, тўртта гол урди.
Жорий мавсумда 24 ёшли Гордон барча мусобақаларда 36 ўйинда 14 та гол муаллифи бўлди. Унинг ҳисобида яна 5 та голли узатма ҳам бор.