«Бавария» Майкл Олишени ёзда сотмасликка қатъий қарор қилди

«Бавария» вингери Майкл Олише жорий мавсумда барқарор ва самарали ўйин кўрсатмоқда. Шу боис у ҳақида АПЛнинг йирик клублари, хусусан «Ливерпул» билан боғлиқ миш-мишлар ҳам пайдо бўлиб турибди. Бу ҳақда euro-football.ru хабар беради.

Бироқ Мюнхен клуби раҳбарияти яқин ёзда Олишени қандай ҳолатда ҳам сотмасликка қарор қилган. The Touchline манбаси айнан шу позиция ўзгармаслигини таъкидлайди.

Футболчининг ўзи ҳам бундай қатъий қарорни муаммо деб билмаяпти: француз футболчи «Бавария»да ўзини бахтли ҳис қилмоқда ва айнан Мюнхенда энг юқори даражасига чиққанини сезмоқда.

Эслатиб ўтамиз, Майкл Олише 2024 йил июлида «Кристал Пелас»дан «Бавария» сафига келиб қўшилганди. Шундан бери у 89 та учрашувда майдонга тушиб, 33 та гол ва 48 та голли узатмани ўз ҳисобига ёздириб қўйди.