Флик «Барселона»даги муаммо ҳимоя чизиғида эмаслигини айтди

«Барселона» сўнгги ўйинлардаги пасайишнинг асосий омилини ички таҳлил қилиб чиқди. Бу ҳақда euro-football.ru хабар беради.

Каталонияликлар Испания Кубоги ярим финалининг биринчи учрашувида Мадридда «Атлетико»дан йирик ҳисобда мағлуб бўлди — 0:4. Орадан кўп ўтмай жамоа дербида «Жирона»га ҳам имкониятни бой берди — 1:2. Diario Sport хабарига кўра, бош мураббий Ханс-Дитер Флик ва футболчилар бир фикрда: муваффақиятсизлик сабаби юқори ҳимоя чизиғи эмас. Асосий муаммо — прессинг пайтида диққат ва интенсивлик етишмаслиги. Шу камчиликлар юқори чизиқ билан ўйнаганда кескин жазоланмоқда ва натижада одатда «Барселона»га хос тизим сўнгги пайтларда жуда заиф кўринмоқда.

Якшанба куни «Барселона» Ла Лигада ўз майдонида «Леванте»ни қабул қилади.