Каррагер «Буде-Глимт»ни жиддийроқ ҳурмат қилишга чақирди

«Ливерпул»нинг собиқ ҳимоячиси Жейми Каррагер «Интер»га қарши ўйиндан сўнг Норвегиянинг «Буде-Глимт» клуби ҳақида илиқ фикр билдирди. Чемпионлар лигаси плей-офф босқичидаги илк учрашувда норвеглар А Серия вакилини 3:1 ҳисобида мағлуб этди. Бу ҳақда euro-football.ru хабар беради.

Каррагернинг айтишича, «Буде-Глимт» номини эшитиб «Интер» ютқазганини кўриш кўпчилик учун кутилмаган ҳолат бўлиши мумкин. Бироқ у ўйинни диққат билан томоша қилганда жамоа қандай голлар ураётгани, футболчиларнинг сифати ва Чемпионлар лигаси даражасидаги ўйинини кўриш мумкинлигини таъкидлади ҳамда уларга кўпроқ ҳурмат билан қараш кераклигини қўшимча қилди.

«Интер» ва «Буде-Глимт» ўртасидаги жавоб учрашуви 24 февраль куни бўлиб ўтади.