Реал мудофаани кучайтириш учун Бундеслига юлдузи сабаб стратегиясини ўзгартириши мумкин

Дортмунднинг «Боруссия» жамоаси марказий ҳимоячиси Нико Шлоттербек ҳали ҳам Мадриднинг «Реал» клуби трансфер рўйхатида қолмоқда. Бу ҳақда euro-football.ru хабар беради.

Сўнгги ҳафталарда «қаймоқранглилар» вакиллари 26 ёшли футболчининг имкониятларини синчиклаб ўрганмоқда. Diario AS хабарига кўра, «қироллик клуби» ичида Шлоттербек марказий ҳимояни кучайтириш учун ҳозирча энг мақбул вариант экани борасида ишонч тобора ортиб бормоқда. «Реал» 2019 йилдан буён ёши 20 дан анча катта футболчилар учун катта маблағ сарфлашдан тийилиб келади, бироқ «асаларилар» сардорларидан бири ҳисобланган Шлоттербек учун бу ёндашувдан чекинишга тайёр.

Кутилишича, Шлоттербекни трансфер қилиш «Реал»га тахминан 50 млн евроға тушади. Ҳимоячининг «Боруссия» билан амалдаги шартномаси 2027 йилгача мўлжалланган.