Робби Кин «Кристал Пелас» бош мураббийлигига даъвогар бўлди
Венгриянинг «Ференцварош» клубини бошқараётган Робби Кин яқин орада Англия Премьер-лигасидаги «Кристал Пелас»ни қабул қилиб олиши мумкин. talkSPORT хабарига кўра, мутахассис лондонликлар учун кўриб чиқилаётган асосий номзодлардан бири. Бу ҳақда euro-football.ru хабар беради.
Манбага кўра, «бургутлар» мавсум якунини кутмасдан туриб Оливер Гласнер билан ҳамкорликни тўхтатиши эҳтимоли бор. Шундай бўлса, Кин клуб раҳбарияти эътиборидаги вариантлардан бири сифатида тилга олинмоқда.
Гласнер «Кристал Пелас»да 2024 йил февралидан бери ишламоқда. Кутилишича, унинг шартномаси муддати тугаши сабабли мураббий ёзда жамоани тарк этади.
АПЛнинг 26-туридан сўнг пойтахт клуби турнир жадвалида 13-ўринда бормоқда ва 32 очко жамғарган.