Билялетдинов Роналду ҳақида фикр билдирди

Таниқли россиялик мураббий Ринат Билялетдинов Саудия Арабистонининг «Ал-Наср» клубида тўп сураётган юлдуз ҳужумчи Криштиану Роналду ўйинлари ҳақида ўз фикрини айтди. Бу ҳақда euro-football.ru хабар беради.

Мутахассиснинг таъкидлашича, Роналду бетакрор футболчи бўлиб, унинг кўрсаткичларини такрорлаш деярли имконсиз. Билялетдинов 40 ёшдан ошганига қарамай, португалиялик футболчи энг юқори даражада ўйнашга интилаётганини алоҳида қайд этди.

Жорий мавсумда 41 ёшли Роналду барча мусобақаларда 23 та учрашувда майдонга тушиб, 19 та гол урди ва 3 та голли узатмани амалга оширди.

Саудия чемпионатининг 21-туридан сўнг «Ал-Наср» турнир жадвалида 52 очко билан учинчи ўринда бормоқда.