Луис Энрике «Мец» устидан ғалаба «Ланс»га босим беради деди

ПСЖ бош мураббийи Луис Энрике Франция чемпионатининг навбатдаги турида «Мец»га қарши ўйин олдидан фикрлари билан ўртоқлашди. Бу ҳақда euro-football.ru хабар беради.

Мутахассиснинг айтишича, парижликлар учрашувни назорат қилишга интилади, чунки бу баҳс жуда муҳим. Энрике «Ланс»га босим ўтказиш учун албатта уч очко кераклигини таъкидлади. Шу билан бирга, у турнир жадвалининг қуйи қисмидаги жамоаларга қарши ўйинлар ҳеч қачон осон кечмаслигини эслатиб, ғалаба учун пухта тайёргарлик зарурлигини қайд этди.

ПСЖ — «Мец» учрашуви бугун, 21 февраль куни бўлиб ўтади. Лига 1 23-тури доирасидаги ўйин 01:05 да (Тошкент вақти билан) старт олади. LiveResult ушбу баҳсни матнли онлайн трансляция қилади.